Ang Trainee ay sasailalim sa pagsasanay bilang TRAINEE - SERVICE CREW na maaaring maitalaga sa kahit na aling outlet o kiosk o tindahan ng iba’t-ibang mga pagkain o inumin na produkto ng Kumpanya sa iba’t-ibang lugar na pag-aari nito, at inaasahang gagampanan ang mga tungkuling itatalaga ng Kumpanya bilang pagsubok sa kanyang kakayahan kaugnay ng negosyo nito. Ang mga tungkulin niya ay:

1.1     Pinoproseso ang iba’t-ibang uri na food products sa menu ng outlet or tindahan sa pamamagitan ng pagluto, pagsasaayos at paghahain nito sa mga mamimili o parokyano na umorder nito.

1.2     Mahigpit na sinusunod ang lahat ng alituntunin ng Kumpanya sa tamang pagsunod sa recipe ng food products, pagsunod sa ligtas na paghawak, pagtago at tamang paggamit ng mga raw materials, sangkap at mga appliances at kagamitan sa pagluto, at ang maingat na pagtago o pagdispatsa ng imbentaryo ng lahat ng perishables (nabubulok) sa mga tamang imbakan. 

1.3     Mahigpit na pagsunod sa mga alituntunin ng Kumpanya sa mga tamang kasuotan, kalinisan at tamang pagbigay ng serbisyo sa customers.

1.4     Mahigpit na pagsunod sa mga tamang oras ng pagdating at pagliban sa trabaho (kasama na ang mga oras ng pahinga) at pagtalima sa Weekly Work Schedule na pinasusunod ng Operations Manager. Dagdag dito ang marapat na pagbigay ng sapat na anunsyo sa Operations Manager ng maagang pasabi kung hindi makakarating sa oras/araw ng trabaho.